एजेन्सी– मलेसियामा अवैध रुपमा बसेर काम गरिरहेका विदेशी कामदार बसेको स्थानमा मलेसियाली प्रहरीले धरपकड गरेको छ ।

मलेसियाको अध्यागमन प्रहरीले एक हजारभन्दा धेरै विदेशी कामदारको राहदानी र अन्य कागगजागत खोजतलाश गरेको मलेसियाली सञ्चारमाध्यले जनाएका छन् ।

मलेसिया प्रहरीले सोमबार र मंगलबार गरेको धरपकडमा १ सय २ जना विदेशी पक्राउ परेको मलेसियाको दस्टार अनलाइनले अध्यागमन प्रहरी उदृत गर्दै समाचारमा जनाएको छ ।

प्रहरीले विदेशी कामदारले काम गर्ने निर्माण क्षेत्रहरु, होटल, रेष्टुराँ, भाडामा लगाइएका घरहरु, पसल, खाना खाने साना होटलहरु लगायतमा खोजतलाशको कारवाही गरेको जनाइएको छ ।

प्रहरीले मलेसियाका ९० स्थानमा छापा मार्दा ५३ जना म्यानमारका नागरिक, २२ जना बंगलादेशी, ११ जना ईण्डोनेशियाली, ९ जना फिलिपनो, दुईजना नेपाली, दुईजना पाकिस्तानी तथा दुई जना थाईल्याण्डका नागरिक पक्राउ परेको जनाएको छ । पक्राउ परेकालाई अध्यागमन कार्यालयहरुको हिरासतमा राखिएको प्रहरीले जानकारी दिएको छ ।