ओखलढुंगा– यात्रुबाहक बस ओखलढुंगाको डढुवामा दुर्घटना हुँदा ३ जनाको मृत्यु भएको छ । मृत्यू हुनेमा बसका चालक झापाका कृष्ण बहादुर बस्नेत, सोलुदुधकुण्ड नगरपालिका ५ की माया थापा र सिन्धुली कमलामाईका लाल बहादुर धाँमी छन्। ३ जनाकै घटनास्थलमै मृत्यु भएको हो ।

झापाको काँकरभिट्टाबाट सोलुखुम्बु जाँदै गरेको बस दुर्घटना हुँदा ३ जनाको मृत्यु भएको जिल्ला प्रहरी कार्यालय ओखलढुंगाले जनाएको छ । अन्य १५ जना घाइते भएका छन् ।

घाइते मध्ये गम्भीर ४ जनालाई उपचारका लागि काठमाडौं ल्याइएको छ भने बाँकीको उदयपुरको घुर्मी स्वास्थ्य संस्थामा उपचार भइरहेको छ ।

मे १ ख १८९१ नम्बरको बस अनियन्त्रित भएर दुर्घटना भएको थियो। चिप्लोबाटो भएका कारण बस सडकबाट अनियन्त्रित भइ दुर्घटना भएको हुन सक्ने प्रहरीको अनुमान छ ।