एजेन्सी– क्याटालोनियाका पृथकतावादी नेताहरुसँग वार्ताका गर्ने प्रधानमन्त्री पेद्रो सान्चेजले गरेको प्रस्तावविरुद्ध स्पेनको राजधानी मड्रिडमा दशौँ हजारले प्रदर्शन गरेका छन् ।

पपुलर पार्टी, नागरिक पार्टी र अन्य दक्षिणपन्थी पार्टीले प्रदर्शनको आयोजना गरेका हुन् । स्पेनका दक्षिणन्थिीहरुले क्याटालन पृथकतावादीसँग हुने वार्तालाई आत्मसमर्पण र धोकाको संज्ञा दिँदै आएका छन् ।

प्रदर्शनकारीले प्रधानमन्त्री सान्चेजले तत्काल राजीनामा दिनुपर्ने र तत्काल चुनावको मिति घोषणा गर्न समेत माग गरे । प्रदर्शनमा ४५ हजारभन्दा धेरैको सहभागिता रहेको प्रहरीले जनाएको छ ।

दक्षिणपन्थीजस्तै स्पेनका समाजवादीहरुले पनि क्याटालन पृथकतावादीसँग वार्ता गर्न नहुने पक्षमा छन् । यद्यपि यसअघि नै क्याटालन पृथकतावादी नेताहरुले प्रधानमन्त्री सान्चेजले गरेको वार्ताको प्रस्तावलाई अस्वीकार गरिसकेका छन् ।