काठमाडौं– तामझामका साथ जेठ १५ गते पुनः सञ्चालनमा ल्याइएको तातोपानी अझै सञ्चालनमा आउन सकेको छैन । वि. सं. २०७२ मा भूकम्पका कारण बन्द भएको उक्त नाका, दई–देशीय अधिकारीहरुको उपस्थितिमा जेठ १५ गते पुनः संचालनमा ल्याइएको थियो ।

रेड कार्पेट बिछ्याएर ४ कन्टेनर ऊन नेपाल भित्राएपछि बन्द भएको नाका सञ्चालनमा आउन सकेको छैन । तातोपानी भन्सार कार्यलयका अनुसार जेठ १५ यता कुनैपनि मालबाहक वस्तु आवतजावत भएका छैनन् । भौतिक संरचनाको आभावको कारण नाका संचालनमा आउन नसकेको भन्सारका अधिकारी बताउछन् ।

तातोपानी भन्सार कार्यलयका प्रमुख कृष्ण बस्नेत भन्छन् ‘अहिले बन्दरगाहाको समस्या छ, चीनले नेपालमा बन्दरगाहा निर्माण गरिसकेको छ तर हस्तानतरण भने गर्न बाँकी छ’ ।

तातोपानी देखि ६ किलोमिटर तल लार्चामा चीन सरकारले सुख्खा बन्दरगाहा निर्माण गरि सके पनि आन्तरिक पूर्वाधार तथा सञ्चार संयन्त्र जडान नभएका कारण बन्दरगाहा हस्तान्तरण हुन पाएको छैन् ।

उक्त बन्दरगाहा नेपाललाई हस्तानतरण हुने वितिकै दु्रत गतिमा नाका संचालनमा आउने बस्नेतको भनाइ छ ।  हाल तातोपानी भन्सारको लागी १५ जना कार्मचारी खटाइएको छ । नाका सञ्चालनमा आउन नसकेपछि कर्मचारीहरु बेकामे भएर थन्किएका छन् ।

स्थानीयहरुका अनुसार सर्वसाधरणलाई समेत उक्त नाकाबाट पहिले जस्तै सजिलै चीन प्रवेश गर्न दिइएको छैन ।