एजेन्सी– न्युजिल्याण्डको दक्षिणी टापुमा ६ दिनअघि शुरु भएको डढेलो अझै नियन्त्रणमा आउन सकेको छैन ।
डढेलोबाट प्रभावित ३ हजारभन्दा धेरै भागेर सुरक्षित स्थान पुगेका छन् भने अरु ७० हजारभन्दा धेरै मानिस डढेलोको जोखिममा छन् ।
नेल्सन शहरनजिक ६ दिनअघि सुरु भएको डढेलो अहिले वेकफिल्ड शहरतर्फ बढिरहेको छ । डढेलोबाट कुनै मानवीय क्षति नभएको र एउटा मात्र घरमा क्षति पुगेको बताइएको छ ।
अग्नी नियन्त्रणको प्रयासका लागि २३ हेलिकोप्टर र २ विमान तैनाथ गरिएपनि हावाहुरीले समस्या पारिरहेको अन्तर्राष्ट्रिय सञ्चारमाध्यमले जनाएका छन् ।
यो डढेलोलाई न्युजिल्याण्डमा सन् १९५५ यताकै सबैभन्दा खतरनाक डढेलोको संज्ञा दिइएको छ ।
प्रतिक्रिया