उत्तरी अफगानिस्तानको जवजवानमा अफगान सुरक्षा फौज र अफगानिस्तानमा सक्रिय इस्लामिक लडाकु समूह तालिबानका लडाकुबीच भएको भीडन्तमा ३८ जनाको ज्यान गएको छ ।
तालिबान लडाकुले जवजवान प्रान्तको आकचा जिल्लामा रहेको एक सुरक्षा जाँच चौकीमा आक्रमण गर्दा भएको भीडन्तमा अरु दर्जनौं घाइते भएको स्थानीय अधिकारीले जनाएका छन् ।
मारिनेमा ३१ तालिबान लडाकु तथा ७ सरकारी सुरक्षाकर्मीको ज्यान गएको बताइएको छ ।
तालिबानतर्फ मारिनेमध्ये एकजना जवजवान प्रान्तका वरिष्ठ कमाण्डर समेत रहेको बताइएको छ ।
तालिबानले जवजवानमा आक्रमण गरिएको पुष्टि गरेपनि मानवीय क्षतिबारे कुनै टिप्पणी गरेको छैन ।
प्रतिक्रिया