काठमाडौं– १३ औं दक्षिण एसियाली खेलकुद (साग) अघि निर्माण सम्पन्न गर्ने गरी पोखरा रंगशालाको निर्माण कार्य शुरु भएको छ । आइतबार पोखरा पुगेका यूवा तथा खेलकुद मन्त्री जगत बहादुर सुनार, राष्ट्रिय खेलकुद परिसद (राखेप) का सदस्य सचिव केशव कुमार विष्ट लगायतले विमानस्थलको शिलान्यास गरेका छन् ।

रंगशाला निर्माणका लागि राखेपले भारतीय कम्पनी ग्रेट स्पोर्टस् इन्फ्रा प्रालि र नेपाली कम्पनी एमए कन्सट्रक्सन प्रालिलाई निर्माणको जिम्मेवारी दिइसकेको छ । राखेपले रंगशाला निर्माणका लागि १ अर्ब २८ करोड रुपैयाँमा निर्माण कम्पनीसँग सम्झौता गरेको थियो ।

नयाँ बन्ने पोखरा रंगशाला १५ हजार ५ सय दर्शक क्षमताको हुने बताइएको छ ।

अन्तर्राष्ट्रिय मापदण्डमा बन्ने रंगशालाको चारैतिर छानासहित प्यारापिट रहनेछ । यस्तै मैदानको छेउमा सिन्थेटिक ट्रयाक रहनेछ ।