काठमाडौं – पटकपटक प्रदर्शन मिति तोक्दै, सर्दै गरेको फिल्म ‘प्रेमगीत’ ले चैत्र ८ गतेलाई रिलिज मिति फाइनल गरेको छ । निर्मात्री तथा अभिनेत्री दीपशिखाले यो मितिमा फिल्म रिलिज हुने पक्का भएको जानकारी गराइन् ।
ओएसआर डिजिटलको च्यानलबाट फिल्मको दोस्रो ट्रेलर समेत सार्वजनिक गरिएको छ । ट्रेलरमा रोमान्स, लभ र सस्पेन्स देख्न सकिन्छ । मुख्य कलाकारलाई ट्रेलरमा प्रस्तुत गरिएको छ ।
अन्तरदेशीय प्रेमकथामा बनेको यो फिल्ममा दिपशिखा खड्का, अली खान, मौसम खड्का, सुरज तमु, रेखा शाह लगायतका कलाकारको अभिनय रहेको छ ।
फिल्मको कथा, पटकथा र संवाद नायिका दिपशिखाले नै तयार पारेकी हुन् ।
प्रतिक्रिया