काठमाडौं– नेपालको न्याय सम्पादन प्रक्रियामा हुने त्रुटिको विषय जनाउने खबर आजको ‘कान्तिपुर’ दैनिकले प्रकाशन गरेको छ ।

कान्तिपुरले ‘दुई व्यक्तिलाई एउटै भनी आदेश’ शीर्षकमा उच्च अदालत तुलसीपुरको बुटवल इजलासले जारी गरेको आदेशका विषयमा समाचार छापेको छ ।

समाचारमा लेखिएको छ– उच्च अदालत तुलसीपुरको बुटवल इजलासले दुई फरक व्यक्तिलाई एउटै व्यक्ति भनी आदेश गरेको भेटिएको छ ।

न्यायाधीशहरु कुमारप्रसाद पोखरेल र गोकर्ण डाँगीको इजालासले फरक–फरक व्यक्ति रहेका नन्दकुमारी थापा र रनकुमारी थापालाई एउटै व्यक्ति भनी किटानी गरिदिएको हो ।

अंशसम्बन्धी विवादको मुद्दामा गरिएको आदेशका कारण पतिबाट अंश नपाएर पीडित बनेकी एक महिलाको आधा अंश खोसिएको छ ।