काठमाडौं– १३ औं साग विजेता नेपाली खेलाडीलाई भोलि बुधबार विशेष प्याकेज घोषणा गरिने भएको छ ।
बुधबार नेपाली सबै पदकधारी खेलाडीहरुलाई प्रधानमन्त्री ओलीले बालुवाटारमा बधाइ कामनासहित विशेष प्याकेज घोषणा गर्ने राष्ट्रिय खेलकुद परिषद्का सदस्यसचिव सिलवालले बताए ।

प्रतियोगिता सुरु हुन अघि पदक जित्ने खेलाडीलाई विशेष प्याकेज घोषणा गर्ने तयारी गरेको राष्ट्रिय खेलकुद परिषद् ९राखेप० ले प्रधानमन्त्रीको अस्वस्थताका कारण पुरस्कार रकम घोषणा गर्न पाएको थिएन ।

युवा तथा खेलकुद मन्त्रालय र राखेपले मंसिर १० गते प्रधानमन्त्री केपी ओलीबाट पदक जित्ने खेलाडीका लागि विशेष प्याकेज घोषणा कार्यक्रम राखेको थियो । तर प्रधानमन्त्रीको स्वास्थ्यमा समस्या आएपछि पूर्व निर्धारित कार्यक्रममा विशेष प्याकेज घोषणा हुन सकेन । सोही अनुरुप बुधबारका लागि कार्यक्रम राखिएको हो ।