काठमाडौं – अभियुक्तसँग घुस लिने दोलखाका प्रमुख जिल्ला अधिकारी खगेन्द्र प्रसाद रिजाल निलम्बनमा परेका छन् ।
अख्तियार दुरुपयोग अनुसन्धान आयोगको निर्देशनमा गृह मन्त्रालयले मुद्दाका अभियुक्तसँग धरौटी रकमका नाममा घुस लिने उनलाई निलम्बन गरेको हो ।
अभद्र व्यवहार सम्बन्धी मुद्दामा पक्राउ परेका अभियुक्तसँग रिजालले ९० हजार घुस लिएका थिए । पछि विवाद भएपछि उनले सार्वजनिक गरेका थिए ।
गृह मन्त्रालयले उनलाई गत बिहीबार नै हटाइसकेको थियो । सो घटनाको अनुसन्धान भइरहेको अख्तियारका प्रवक्ता प्रदीप कुमार कोइरालाले बताए । उपसचिव रिजाल यसअघि अख्तियारमा सहायक प्रवक्ताका रुपमा कार्यरत थिए ।
प्रतिक्रिया