काठमाडौं– नेपाली कांग्रेसका सभापति शेरबहादुर देउवाले नेपाली भूमि फिर्ता लिन सरकारले पहल गर्नु पर्ने धारणा राखेका छन् ।

प्रधानमन्त्री केपी शर्मा ओलीले शनिवार आयोजना गरेको सर्वपक्षीय छलफलमा सहभागी पूर्व प्रधानन्त्रीसमेत रहेका सभापति देउवाले गुमेका भूभाग फिर्ता लिन सरकारले पहल गर्नु पर्ने धारणा राखेका हुन् ।

देउवाले भारतीय सुरक्षा बल रहेको कालापानी लगायतको भूमि नेपालको रहेको र कालापानी पश्चिमको नदि महाकाली नदि भएको बताउँदै सो पूर्वका सबै भूभाग फिर्ता लिन सरकारले उच्चस्तरीय कुटनीतिक र राजनीतिक पहल गर्नु पर्ने र यसका लागि कांग्रेसको पूर्ण साथ रहने बताए ।

भारतीय सुरक्षा बल रहेको कालापानी लगायतको भुमी नेपालको हो l कालापानी पश्चिमको नदि महाकाली नदि हो। सो पुर्वका हाम्रा सबै भुभाग फिर्ता लिन सरकारले उच्चस्तरीय कुटनैतिक र राजनैतिक पहल गर्नुपर्छ l यसका लागि हाम्रो पुर्ण साथ रहनेछ l

जारी सर्वदलीय बैठकमा कांग्रेस सभापति देउवाको धारणा !

— Bishwa Prakash शर्मा (@bishwaprakash77) November 9, 2019

प्रधानमन्त्रीले आयोजना गरेको छलफलमा सहभागी पूर्व प्रधानमन्त्री, पूर्व परराष्ट्र मन्त्री, कुटनीतिज्ञले सीमाका विषयमा कुटनीतिक पहल गर्न सरकारलाई सुझाव दिएका थिए ।