काठमाडौं– भारतबाट मिचिएको भूमी फिर्ता गर्न प्रदर्शन भइरहेको बेला चीनले मिचेको भूमी पनि फिर्ता गर्न माग गर्दै राजधानीमा प्रदर्शन भएको छ।

‘मौलिक जरोकिलो पार्टी’ले भारत र चीन दुबैले मिचेको भूभाग फिर्ता गर्न माग गर्दै काठमाडौंको गोंगबुमा दबाबमुलक कोणसभा गरेको हो ।

शनिवार अपरान्ह ३ बजेदेखि ५ बजेसम्म नयाँ बसपार्क नजिकै भएको कोणसभामा भारत र चीन दुबै देशले मिचेको भूमी फिर्ता गर्न माग गरिएको थियो ।

भारतले नेपालसंग सिमाना जोडीएका २३ जिल्लाको ७१ ठाउँमा र चीनले ४ जिल्लाको ११ ठाउँमा भूमी मिचेको भन्दै फिर्ताका लागि तत्काल पहल गर्न सरकारसंग आग्रह गरेको हो ।

पार्टी प्रवक्ता लीला बहादुर बाँनियाले दुबै छिमेकीले मिचेको नेपाली भूमी फिर्ता गर्न सरकारले तत्काल पहल नगरे थप आन्दोलन चर्काउने चेतावनी दिए ।