सिरहा– अख्तियार दूरुपयोग अनुसन्धान आयोगको टोलीले घुस सहित एक जना विद्युत प्राधिकरणका कर्मचारीलाई पक्राउ गरेको छ ।
अख्तियारको बर्दिवासस्थित कार्यालयबाट खटिएको टोलीले सिरहाको विष्णपुर गाउँपालिका–१ चोक होटलबाट रु ८० हजार घुससहित नेपाल विद्युत् प्राधिकरण सिरहा शाखाअन्तर्गतको विष्णुपुर वितरण केन्द्रमा कार्यरत इलेक्ट्रसियन छेदी साह सुनारलाई पक्राउ गरेको हो ।
करारमा जागिर लगाइदिने भन्दै स्थानीय एक जनासँग लिएको रु ८० हजार घुससहित साहलाई पक्राउ गरिएको आयोगले जनाएको छ । पक्राउ परेका साहलाई थप अनुसन्धानका लागि बर्दिवास लगिएको छ ।
प्रतिक्रिया