काठमाडौं– क्यारेवियन प्रिमियर लिगको पहिलो खेलमा नेपाली लेग स्पिनर सन्दीप लामिछानेले शानदार सुरुवात गरे ।

सिजनको सिपीएलको पहिलो खेलमा उनी मैदानमा उत्रिए पनि जम्मा एक ओभर मात्र बलिङ गरे । बार्बाडोसको प्लेइङ सेटमा नै परेका सन्दिपले एक ओभरमा ५ रन खर्चिए पनि उनलाई अर्को ओभरको मौका दिइएको थिएन ।

निकै कसिलो बलिङ गरेका उनेल पहिलो र दोस्रो बल डट फालेका थिए भने तेस्रो बलमा चौका दिए । फेरि चौथो बल डट फालेका उनले पाँचौ बलमा एक रन खर्चिए । छैटौं ओभर बलिङ गरेका सन्दीपले तुलनात्मक रुपमा उत्कृष्ट बलिङ गरेका हुन् ।

सन्दीपले कसिलो बलिङ गरे पनि पहिलो खेलमा सन्दीपको टोली र्बाबाडोस ट्रिडेन्सले हार ब्यहोर्‍यो । आज भएको खेलमा र्बाबाडोस गुयना एमेजोनसँग ४७ रनले पराजित भयो ।

टस हारेर ब्याटिङको निम्तो पाएको गुएनाले २० ओभरमा चार विकेट गुमाउदै एक सय ८० रन बनाएको थियो । उसका लागि हेमराजले ६३ रन बनाउदा निकोलस पुरनले ६१ तथा रुथरफोर्डले ३२ रन बनाए ।

१ सय ८१ रनको विजयी लक्ष्यसहित मैदानमा उत्रिएको र्बाबाडोस १६ ओभर एक बलमा एक सय ३३ रनमै अलआउट भयो ।
बलिङ पनि पुरै ओभर गर्न नपाएका सन्दिपले ब्याटिङमा दुई बल फेस गर्दा शुन्य रनमा नै आउट भएका थिए ।