काठमाडौं– अन्तर्राष्ट्रिय आदिवासी दिवसको अवसरमा आदिवासी तथा जनजातिसँग सम्बन्धित संघ तथा संस्थाको विरोध कार्यक्रमकका कारण काठमाडौं उपत्यकाको सवारी आवागमन प्रभावित भएको छ ।

महानगरीय ट्राफिक महाशाखाका अनुसार आदिवासी जनजातिको विरोध कार्यक्रमका कारण काठमाडौं उपत्यकाका ४ ओटा रुपको सवारी आवागमन प्रभावित भएको हो ।

ट्राफिक प्रहरीले आवागमन प्रभावित हुने रुटमा चल्ने सवारीलाई बैकल्पिक मार्ग प्रयोग अनुरोध गरेको छ ।

ट्राफिक प्रहरी महाशाखाका अनुसार अहिले काठमाडौं उत्पकाका निम्न रुटहरुको सवारी आवागमन प्रभावित भएको छ,

– तीनकुने–मुनिभैरव हुँदै चल्ने रुट
– लगनखेलबाट एकान्तकुना हुँदै चल्ने सवारीसाधनलाई जावलाखेल हुँदै एकान्तकुनातर्फ पठाइएको छ,
– बल्खुबाट कालीमाटीतर्फ चल्ने सवारीसाधनहरुलाई बल्खु( कलंकी हुँदै कालिमाटीतर्फ पठाइएको छ,
– बानेश्वरबाट माइतीघरतर्फ चल्ने सवारीसाधनहरुलाई थापागाँउ, अनामनगर, हनुमानथान, पतलीसडकतर्फ पठाइएको छ,
– भद्रकालीबाट सिंहदरबार माइतिघरतर्फ आउने सवारीसाधनहरुलाई त्रिपुरेश्वरतर्फ पठाइएको छ,