काठमाडौं– साफ यु–१५ महिला च्याम्पियनसिप फुटबल प्रतियोगिताको खेल तालिका सार्वजनिक भएको छ । शुक्रवार सार्वजनिक भएको खेल तालिका अनुसार नेपालले पहिलो खेल भारतसँग खेल्ने भएको छ ।

आगामी अक्टोबर ९ देखि १५ सम्म भुटानमा चल्ने प्रतियोगितामा नेपालले प्रतियोगिताको उद्घाटन खेलमा नेपालले भारतसँग खेल्ने पक्का भएको हो । साफ महिला च्याम्पियनसिपमा नेपालसहित भुटान, भारत र बंगलादेश रहेका छन् ।

पहिलो खेल भारतसँग अक्टोबर ९ मा खेल्ने नेपालले दोस्रो ११ तारिखमा बंगलादेशसँग खेल्नेछ भने तेस्रो तथा प्रतियोगिताको अन्तिम खेल १३ तारिखमा घरेलु टोली भुटानसँग खेल्नेछ ।

लिग चरणका शिर्ष दुई टोली प्रतियोगिताको फाइनलमा पुग्नेछन् । दक्षिण एसियामा नेपालभन्दा तुलनात्मक रुपमा बलियो भारतसँग  नेपाल पहिलो खेलमै प्रतिस्पर्धा गर्दैछ ।