काठमाडौं – फिफा विश्वकप २०२२ तथा एसियन कप २०२३ को छनोट फुटबल अन्तर्गत नेपालले आफ्नो पहिलो खेल कुवेतमा खेल्ने भएको छ । नेपालले पहिलो ‘होम गेम’ कुवेतसँग उसैको घरेलु मैदानमा खेल्न अखिल नेपाल फुटबल संघ एन्फाले पक्का गरेको हो ।

सेप्टे्म्बर ५ मा नेपालमा हुने भनिएको होम गेम कुवेतमा खेल्ने र कुवेतको होम गेम रंगशाला निर्माण हुन सके नेपालमा नभए न्युट्रल भेन्यु खोजेर भएपनि दोस्रो खेल आफुहरुले आयोजना गर्ने बताएका छन् ।

नेपाल र कुवेतबीचको दोस्रो खेल १९ नोभेम्बरमा नेपालको दशरथ रंगशाला निर्माण हुन सकेको खण्डमा नेपालमै हुने एन्फाले जनाएको छ ।

छनोटमा नेपाल समूह ‘बी’ मा रहेको छ । नेपालको समूहमा अस्ट्रेलिया, चाईनिज ताइपेई, जोर्डन र कुवेत रहेका छन् ।