भिटामिन ‘ए’ शरीरका लागि अत्यावश्यक तत्व हो । शरीरमा भिटामिन ‘ए’ को कमी भएमा कुपोषण हुनसक्छ ।

जसका कारण विभिन्न खालका स्वास्थ्य समस्याहरु आउँछ । भिटामीन ए लाई शुक्ष्म पोषक तत्व पनि भनिन्छ । किनकि भिटामिन ‘ए’ थोरै मात्रामा भए पनि हुन्छ तर यो शरीरका लागि नभइ हुँदैन । तोरीको साग, सखरखण्ड, गोलभेंडा, आरु, आँप, गाँजर, ब्रोकाउली लगायतका फलफूल तथा तरकारीमा भिटामिन ‘ए’ पाइन्छ

भिटामिन ‘ए’ ले आँखालाई स्वस्थ बनाउन, छालाको सुरक्षा शारीरिक वृद्धि विकास र रोगको संक्रमणबाट बचाउँछ । भिटामिन ‘ए’ को कमी भएका व्यक्तिमा सबैभन्दा बढी आँखाको समस्या देखिने गर्छ । त्यसैले आँखामा समस्या आइरहने व्यक्तिले भिटामिन ‘ए’ पाइने खानेकुरा प्रशस्त मात्रामा खाने गर्नुपर्छ ।

भिटामित ए को कमी भएमा यस्तो समस्या निम्तिन्छ

– आँखामा खराबी आउने,

– रोग बिरुद्ध लड्ने क्षमतामा ह्रास आउने,

– झाडापखालाले सिकिस्त पार्ने,

– लामो समयसम्म भिटामीन ए को कमी भएमा दृष्टि गुम्नसक्ने,

– छाला सम्बन्धी रोगहरु लाग्ने ।