काठमाडौं – आज शुक्रबारबाट सिनेमा घरमा ३ नेपाली चलचित्र प्रदर्शनमा आएका छन् । चलचित्र ‘साइनो’, ‘रे’ र ‘काँचुली’ प्रदर्शनमा आएका हुन् ।

चलचित्र ‘साइनो’लाई रमेश थापाले निर्देशन गरेका हुन् । नेपालकै पहिलो नायिका भुवन चन्दले निर्माण गरेको यो फिल्ममा नीता ढुंगाना, मिरुना मगर, राजकुमार, राजा राजेन्द्र पोखरेल, भुवन थापा चन्द, मदनदास श्रेष्ठ लगायतका कलाकारले अभिनय गरेका छन् ।

‘साइनो’ को कथा अभिमन्यु निरवीले लेखेका हुन् भने फिल्ममा त्रिकोणात्मक प्रेमकथा छ ।

यस्तै चलचित्र ‘रे’ पनि आजैबाट प्रदर्शनमा आएको छ । फिल्ममा सुनील थापा, दीवस धिताल, सुजता थापा, क्रान्ति रसाइली, पूर्णिका लामा लगायतका कलाकारले अभिनय गरेका छन् । केही हप्ता भएको यो फिल्मको ट्रेलरलाई एक्सनमा देखाइएको थियो ।

आजैबाट प्रदर्शनमा आएको चलचित्र ‘काँचुली’ मा ईश्वर खाती, रश्मी भट्ट, शुभेच्छा थापा, राजन महर्जन लगायतका कलाकारले अभिनय गरेका छन् ।

चर्चाका हिसाबले ‘साइनो’ को राम्रै चर्चा भए पनि अरु दुई चलचित्रले खासै हाइप बनाउन सकेका छैनन् ।