बाँके- बाँकेको नेपालगञ्जस्थित एक फर्निचर पसलमा गएराति भीषण आगलागी भएको छ ।
आगलागीबाट फर्निचरका सामान जलेर नष्ट भएपनि क्षतिको एकिन विवरण आउन बाँकी रहेको प्रहरीले जनाएको छ ।
गएराति ११ बजेदेखि लागेको आगो आज विहान ४ बजे मात्र पूर्णरुपमा नियन्त्रणमा आएको थियो । दमकल, प्रहरी र स्थानीयको प्रयासमा आगो नियन्त्रणमा लिइएको हो ।
आगलागी के कारणले भएको हो ? यसबारे प्रहरीले अनुसन्धान जारी राखेको छ ।
आगलागी भएको सो फर्निचर पसल नेपालगञ्ज उपमहानगरपालिकाको कार्यालय नजिकै भए पनि दमकल अभावका कारण समयमै आगो नियन्त्रणमा लिन नसकिएको स्थानीयल जनाएका छन् ।
प्रतिक्रिया