काठमाडौं- साझा यातायातले रात्रीकालीन सेवा शुरु गरेको छ । पहिलो चरणमा साझाका त्यी बसले रातको ९ बजेसम्म सेवा दिन थालेका हुन् ।

गत बुधवारदेखि तीनवटा रुटमा साझाका तीन बसले सेवा दिइरहेको साझा यातायात सहकारी संस्थाका प्रबन्धक महेन्द्रराज पाण्डेले खबरहबलाइ जानकारी दिए ।

पाण्डेका अनुसार एनएसी–नयाँ बसपार्क, एनएसी–एयरपोर्ट–चावहिल हुँदै नयाबसपार्क र एनएसी–कालमाटी कलंकीको रुटमा साझाले रात्रीकालीन सेवा दिइरहेको छ ।

‘पहिलो चरण भएकाले रातको ९ बजेसम्म शुरु गरेका हौँ’ उनले भने ‘केही समयपछि रुट थपेर १० बजेसम्म सेवा दिन्छौँ’।

हाल साझा यातायातका ७१ वटा बस छन् । जसमध्ये ४ वटा लामो दुरीमा गुडिरहेका छन् भने ६७ वटा बस उपत्यकाभित्र गुडिरहेका छन् ।