लिमा– कुनै व्यावसायका ग्राहकले पैसा तिर्न लगाउन के सम्म गरिन्छ ? ल्याटिन अमेरिकी मुलुक पेरुमा भने पैसा तिराउने घटनाले हदै पार गरेको छ ।

पेरुमा खाएको पैसा तिर्नका लागि एकजना ग्रहकलाई रेष्टुरेन्टमा साङ्लोले बाँधेर राखिएको घटना सार्वजनिक भएको छ । भेनेजुएलामा आर्थिक तथा राजनीतिक संकटबाट भागेर पेरु पुगेका एक जनालाई रेष्टुरेन्टमा साङ्लोले बाँधेर राखिएको घटना सार्वजनिक भएको हो ।

ला पटिला अखबारका पत्रकार लुइस मार्टिनेजले साङ्लोले बाँधेर राखेको राखेको घटना सार्वजनिक गरेका हुन् । समाचारसँगै सार्वजनिक गरिएका तस्बीरमा ती ग्राहकलाई कुर्सीमा साङ्लोले बाँधेर राखिएको छ ।

ती तस्बीरहरु साङ्लोमा बाँधिने ग्राहक आफैँले खिचेको बताइएको छ । भेनेजुएलाबाट आएका आप्रवासीका साथमा पैसा नहुने र उनीहरुले खाएको पैसा नतिर्ने भएकाले ती अप्रवासीलाई साङ्लोले बाँधिएको जनाइएको छ ।

ला पटिला अखबारले भने ‘विदेशीलाई घृणा गर्ने भावना’ का कारण यस्तो घटना घटेको आरोप लगाएको छ ।