एजेन्सी– अमेरिकी राष्ट्रपति डोनाल्ड ट्रम्पको प्रशासनले साउदी पत्रकार जमआल खशोग्जीको हत्याका विषयमा अमेरिकी कङ्ग्रेसलाई प्रतिवेदन बुझउन अस्वीकार गरेका छन् ।

कङ्ग्रेसले गत अक्टोबर महिनामा १ सय २० दिनको म्याद दिएर ट्रम्प प्रशासनसमक्ष खशोग्जी हत्याबारे प्रतिवेदन बुझाउन आह्वान गरेको थियो । खशोग्जीका हत्यारा र उनका हत्यारामाथि नाकाबन्दी लगाउन सकिने वा नसकिने विषयमा प्रतिवेदन तयार पार्न कङ्ग्रेसले दिएको म्याद शनिबार सकिँदैछ ।

तर, ट्रम्प प्रशासनले प्रतिवेदन बुझउने कुनै तयारी नगरेको अमेरिकी सञ्चारमाध्यमले जनाएका छन् । गत वर्षको अक्टोबरमा टर्कीको इस्तानबुल शहर रहेको साउदी वाणज्यि दूतावास प्रवेश गरेका खशोग्जी त्यसयता बेपत्ता छन् । वाणिज्य दूतावासभित्र उनको अमानवीय ढङ्गले हत्या भएको विश्वास गरिन्छ ।

यअसघि विश्वभर सनसनी मच्चाएको खशोग्जी हत्या प्रकरणमा साउदी युवराज मोहम्मद बिन सलमानको प्रत्यक्ष निर्देशन रहेको अमेरिकाको केन्द्रीय गुप्तचर निकाय सीआईएले जनाएको थियो । घटनामा संलग्न रहेको भन्दै साउदी अरबमा ११ जनामाथि कारवाहीको प्रकृया सुरु भइसकेको बताइन्छ ।