काठमाडौं– आजको राजधानी दैनिकले सवैभन्दा बढी भ्रष्टाचार मालपोतमा, १४ सरकारी कार्यालयमा हाकाहाकी घुस शीर्षकमा मुख्य समाचार छापेको छ । सरकारी निकायमध्ये सवैभन्दा बढी भ्रष्टाचार मालपोत कार्यालयमा हुने गरेको पाइएको राजधानी दैनिक पत्रिकामा उल्लेख छ ।

यसैगरी पत्रिकाले समायोजन विधेयक नै संघीयता विरोधी शीर्षकमा तेस्रो पेजमा समाचार छापेको छ । संघीय संसदको प्रतिनिधिसभामा प्रस्तुत भएको कर्मचारी समायोजन विधेयक नै संघीयताविरोधी भएको सांसदहरुले आरोप लगाएका छन् ।

त्यस्तै पृष्ठ ६ मा संसार फेरि हतियारको होडमा लागेको समाचार छापेको छ । दोस्रो विश्वयुद्धका क्रममा एउटै मोर्चामा रहेको तत्कालीन सोभियत संघसँग लगत्तै शुरु भएको शीतयुद्धको अवस्था लामो समयसम्म कायम रहेको उल्लेख गरेको छ ।

त्यस्तै बसपार्कमा सधैँ रुवाबासीको अर्को समाचार छापेको छ । बझाबाट महेन्द्रनगरका लागि छुट्ने यात्रुबस महिला र बालबालिकाले घेरिएको थियो । गाडी भित्र र बाहिर रहेका सबैका आँखा रसाएका थिए ।