सिन्धुपाल्चोक– कांग्रेसको जागरण अभियान कार्यक्रममा सिन्धुपाल्चोकमा कांग्रेसका कार्यकर्ताबीच कुटाकुट हुँदा एक जना घाइते भएका छन् ।

पार्टी सभापति शेरबहादुर देउवा पक्ष र वरिष्ठ नेता रामचन्द्र पौडेल पक्षधर कार्यकर्ताबीच कुटाकुट हुँदा तरुण दल १ नम्बर क्षेत्रका समानान्तर समितिका अध्यक्ष चोकबहादुर श्रेष्ठ घाइते भएका हुन् । उनको टाउकोमा चोट लागेको छ । कार्यक्रमको मन्तव्यकै क्रममा देउवा पक्षधर जिल्ला नेता र पौडेल पक्षधर नेता तथा कार्यकर्ताबीच भनाभन हुँदा विवादले उग्ररुप लिएको थियो ।

झडपपछि कार्यक्रमका सहभागीबीच भागभाग मच्चिएको थियो । सिन्धुपाल्चोकमा शेरबहादुर देउवा र पौडेल पक्षबीच लामो समयदेखि विवाद रहँदै आएको छ ।