बाँके-सेफ्टी ट्याङ्की सफा गर्नेक्रममा बाँकेमा २ जनाको मृत्यु भएको छ । कोहलपुरमा सेफ्टी ट्यांकी सफा गरिरहेका २ जनाको निस्सासिएर मृत्यु भएको हो ।
कोहलपुर नगरपालिका वडा नं. ११ पिपलचौतारा नजिकै मंगलबार दिउसो ४ बजे सेफ्टीट्याङ्की सफा गर्ने क्रममा कोहलपुर नगरपालिका–१० चट्टारका ५० वर्षीय कुमार थारु र चेतराम थारुको ज्यान गएको हो ।
ईलाका प्रहरी कार्यालय कोहलपुरका अनुसार सेफ्टी ट्यांकी सफा गर्न भित्र पसेका थारुद्वय लामो समयसम्म बाहिर नआएपछि हेर्दा मृत्यु भएको पाइएको थियो ।
मृतकद्वयको शव सेफ्टी ट्याङ्कीबाट निकालेर पोष्टमार्टमको लागि पठाईएको इलाका प्रहरी कार्याल, कोहलपुरका प्रवक्ता मानबहादुर विसीले बताए ।
प्रतिक्रिया