दूतावास अगाडि विद्यार्थीको विरोध, जलाए भारतीय नक्सा

२२ कार्तिक २०७६, शुक्रबार

पढ्न लाग्ने समय : < 1 मिनेट

काठमाडौं– भारतले नेपाली भूभाग मिचेको विरोधमा विद्यार्थीहरुले काठमाडौं लैनचउरस्थित भारतीय दूतावास अगाडि विरोध प्रदर्शन गरेका छन् ।

लैनचौरस्थित भारतीय दूतावास अगाडि सत्तारुढ दल नेकपाको विद्यार्थी संगठन अनेरास्ववियूले शुक्रबार बिहान विरोध प्रदर्शन गरेको हो ।

विरोधका क्रममा विद्यार्थीले भारतले जारी गरेको नयाँ नक्सा जलाएका थिए भने लिपुलेक हाम्रो हो भन्दै नारा लगाएका थिए ।

यसअघि आज विहान प्रमुख प्रतिपक्षी दल नेपाली कांग्रेसको भ्रातृ संगठन नेविसंघले चावहिलमा विरोध प्रदर्शन गरेको थियो ।

प्रकाशित मिति : २२ कार्तिक २०७६, शुक्रबार २ : १४ बजे

प्रतिक्रिया