काठमाडौं – प्रमुख विपक्षी दल नेपाली कांग्रेसका सांसद देवेन्द्र राज कँडेलले गौहत्या नगरोकिने हो भने संसद र सडकबाट सनातन हिन्दू राज्यको पक्षमा आन्दोलन चर्काउने चेतावनी दिएका छन् ।

प्रतिनिधिसभाको आइतबारको बैठकमा पूर्व गृहराज्यमन्त्रीसमेत रहेका सांसद कँडेलले सनातन हिन्दू राज्यको पक्ष र विपक्षमा जनमत संग्रहको माग लिएर आन्दोलनमा जानुपर्ने अवस्था आएको बताएका हुन्।

उनले नियतवश गौहत्या बढेको बताए । कँडेलले गौहत्यामा सजाय कम रहेको भन्दै आपत्ति जनाए । गैंडा, बाघ जस्ता जनावरको हत्या गर्नेलाई ५ वर्षदेखि १५ वर्षसम्म सजाय तोकिएकोमा गौहत्यामा विभेद कायम रहेको बताए ।

कँडेलले देशका सबै हिन्दू र ओमकार परिवारले हिन्दू राज्य र संविधान परिवर्तनका लागि आन्दोलनमा उत्रिनुपर्ने अवस्था आएको बताए ।