बलिउड अभिनेता शाहरुख खानले यतिबेला कुनै फिल्ममा काम गरिरहेका छैनन् । उनले फ्यानसँग राम्रो व्यवहार गर्न पनि जानेका छन् । हालै उनले फ्यानको माग पनि पूरा गरिदिएपछि उनको वाहवाही भएको छ ।

शाहरुखले आफ्ना फ्यानका लागि जे गरे, त्यसले तारिफ पाएका छन् ।

शाहरुख हालै इन्डियन फिल्म फेस्टिभलमा सहभागी हुन मेलबर्न पुगेका छन् । एअरपोर्टमा फ्यान उनीसँग सेल्फी लिन उत्सुक देखिएका थिए । शाहरुखका आसपास कैयन् सेक्युरिटी थिए । जसकारण फ्यान शाहरुखसम्म पुग्न सकिरहेका थिएनन् । शाहरुख एअरपोर्टमा उत्रेपछि आफ्नो कारमा बसे ।

तर जब उनले देखे कि, आफ्ना फ्यानले कसरी आफूसँग तस्वीर लिन चाहना राखेका छन् । तत्काल उनी कारबाट उत्रिए र फ्यानको मोबाइल लिएर र सबै फ्यानका साथ तस्वीर खिचे ।

शाहरुख खानको पछिल्लो फिल्म ‘जिरो’ बक्स अफिसमा फ्लप भएको थियो । त्यसपछि उनले कुनै फिल्म पनि साइन गरेका छैनन् । उनको चर्चा भने भइरहन्छ ।