एजेन्सी– भोजपुरी चलचित्रकी निकै हट एवं चर्चित जोडी अक्षरा सिंह र पवन सिंहबीच भएको विवाद अब पुलिस थाना पुगेको छ ।

मुम्बईको मलाडको मालवानी पुलिस स्टेशनमा अक्षरा सिंहले पवन सिंहलाई धम्की दिएको आरोप लगाएकी छिन् ।

अक्षराले फेसबुक, इंस्टाग्राम, यू-ट्यूब लगायतका सामाजिक सञ्जालमा उनले आपत्तिजनक फोटो तथा भिडियो पोस्ट गरेको आरोप लगाएकी छिन् ।

यही आरोपछि उनीहरुको सम्बन्ध बिग्रिएको छ । अक्षराले आफू न्यायका लागि प्रतिक्षामा रहेको बताएकी छिन् । यसअघि भोजपुर फिल्ममा काम गरिसकेकी अभिनेत्री युक्ता मुखीले पनि आफ्ना श्रीमानमाथि गम्भीर आरोप लगाएकी थिइन् ।

विश्व सुन्दरीसमेत भइसकेकी युक्ता मुखीले आफ्ना श्रीमान प्रिन्स टुलीमाथि विभिन्न गम्भीर आरोप लगाएकी थिइन् । श्रीमानले दाइजो उत्पीडन, कुटपिट र अप्राकृतिक यौ–न सम्बन्ध स्थापित गर्ने गरेको आरोप लगाएकी थिइन् ।

उनको अरोपलाई उनका श्रीमानले खण्डन गरेका थिए । अन्ततः यी दुईको सम्बन्धविच्छेद भयो । सन् २००० मा युक्ताले विश्व सुन्दरीको उपाधि जितेकी थिइन् । त्यसको एक वर्षपछि उनले एक तमिल फिल्म पूवेलम उन वसमबाट डेब्यू गरेकी थिइन् । त्यसपछि सन् २००२ मा उनले ‘प्यासा’ नामको हिन्दी फिल्ममा काम गरिन् ।