वीरगन्ज– पर्साको पकाहामैनापुर गाउँपालिका–५ सबैठवा चोकमा बिजुली सर्ट भएर आगो लाग्दा ३ जना घाइते भएका छन् ।

ना३ख ७४२२ नम्बरको ट्रक वेल्डिङ गर्ने क्रममा बिजुली सर्ट भएर आगो लाग्दा ३ जना घाइते भएका हुन् ।

जिल्ला प्रहरी कार्यालय पर्साका अनुसार आइतबार दिउँसो २ बजेतिर आगो लागेको थियो । करिब २० मिनेटपछि दमकलको प्रयोग गरेर आगो नियन्त्रणमा लिइएको प्रहरीले जनाएको छ ।

आगलागीमा परि घाइते हुनेहरुमा पकाहामैनापुर–५ का २५ वर्षीय जितेन्द्र कुशवाहा, १७ वर्षीय सन्तोष महतो र १४ वर्षीय निक चौरसिया छन् ।

उनीहरुको स्थानीय पकाहामैनापुर स्वास्थ्य चौकीमा प्राथमिक उपचार पछि वीरगन्जस्थित नारायणी अस्पताल ल्याइएको छ । अहिले उनीहरुको नारायणी अस्पतालमा उपचार भइरहेको जिल्ला प्रहरी कार्यालय पर्साले जनाएको छ ।