काठमाडौं– गत जेठ १७ गतेदेखि हराइरहेका शिशिर खनाल मृत फेला परेका छन् ।

काठमाडौं मेडिकल कलेमा चिकित्सा शास्त्र(एमबीबीएस) चौंथो वर्ष अध्ययनरत २४ वर्षिय खनाल शनिवार अपराह्न कीर्तिपुरको जंगलमा मृत अवस्थामा फेला परेका हुन् ।

अर्घाखाँची स्थायी घर भएका खनालको मोटरसाइकल १७ गते कीर्तिपुरस्थित पुष्पलाल पार्कमा वेवारिसे अवस्थामा फेला परेको थियो ।

शनिबार दिउँसो महानगरीय प्रहरी परिसर काठमाडौं र वृत्त कीर्तिपुरबाट खटिएको टोलीले कीतिपुरको पुष्पलाल पार्क नजिकैको जंगलमा खनालको शव फेला पारेको जनाएको छ । केही दिन अघिदेखि सोही क्षेत्रलाई आधार बनाएर प्रहरीले खोजी गरिरहेको थियो ।

महानगरीय प्रहरी परिसर काठमाडौंका प्रवक्ता होविन्द्र बोगटीले खनालको शव फेला परेको बताए । उनले भने, ‘खनालको शव फेला परेको छ। केही दिन अगाडि नै मृत्यु भएका कारण शव सडेको अवस्थामा छ’, बोगटीले भने, ‘उनको हत्या वा आत्महत्या के हो भन्ने बारेमा अनुसन्धान जारी रहेको छ ।ु