काठमाडौं-  मेलवर्न स्टार्सबाट खेलेका नेपाली राष्ट्रिय क्रिकेट टोलीका लेगस्पिनर सन्दीप लामिछाने बिग बास लिग (बीबीएल) मा ब्रिसबाने हिटविरुद्ध विकेट बिहीन रहेका छन् ।

शुक्रबार ब्रिसबाने क्रिकेट मैदानमा भएको खेलमा घरेलु टोलीसामू मेलबर्न स्टारर्सका बलर निरीह बने ।

२ ओभर बलिङ गर्ने अवसर पाएका सन्दीपले पहिलो ओभरमा रन नियन्त्रण गरेपनि दोेस्रो ओभरमा महँगा सावित भए । पहिलो ओभरमा ८ रन दिएका सन्दीपले दोस्रो ओभरमा १९ रन खर्चे । सन्दीपको ओभरमा हिटले लक्ष्य पुरा गर्यो ।

टस हारेर पहिलो ब्याटिङ गरेको मेलबर्न स्टारर्सले निर्धारित २० ओभर खेल्दै ८ विकेट गुमाएर १५६ रन बनाएपछि १५७ रनको लक्ष्य सहित मैदानमा उत्रिएको ब्रिसबाने हिटले १० ओभरमा विना विकेटको क्षतिमा लक्ष्य पुरा गर्यो ।

ब्रिसबानेका लागि ओपनिङ ब्याट्सम्यान वेन कटिङले ८१ तथा म्याक्स ब्रायनेटले ७१ रन बनाए ।

लामिछानेले बीबीएलमा यसअघिका ४ खेलमा ८ विकेट सिलएका थिए । आजको खेलमा उनले राम्रो पुनरागमन गर्ने अपेक्षा गरिएपनि उनको टिमको प्रदर्शन कमजोर रहँदा उनीमाथि पनि दबाब रहेको मैदानमा उनको अनुहारले देखाइरहेको थियो ।