काठमाडौं– नेपाल निर्माण व्यवसायी संगठनले सार्वजनिक खरिद ऐन संशोधनको माग गरेका छन् ।  बुधबार काठमाडौँमा पत्रकार सम्मेलन गर्दै संगठनले हाल लागू भइरहेको सार्वजनिक खरिद ऐनमा संशोधन नगरे विकाश निर्माण नै रोकिने बताएको छ ।

पत्रकार सम्मेलनमा संगठनका संयोजक यक्षध्वज कार्कीले हालको ऐनमा बोलपत्र आवेदकले लागत अनुमान अंकको १५ प्रतिशतभन्दा बढि घटेर ठेक्का कबोल गर्ने बोलपत्र दाताले थप धरौटी राख्नुपर्ने व्यबस्थाले साना व्याबसायी मारमा परेको बताए । थप धरौटीको व्यवस्था अव्यवहारिक भएकोले तत्काल खारेज गर्नुपर्ने उनले बताए ।

पत्रकार सम्मेलनमा व्यबसायीहरुले स्वदेशी लगानीबाट स्थापित निर्माण कम्पनीहरु कमजोर हुने र विकाश निमार्ण ठेक्का नै लाग्न नसक्ने भन्दै यस बारे समयमै सरकार सचेत हुन आग्रह गरे ।