काठमाडौं – नेपाली राष्ट्रिय महिला टोलका खेलाडी सावित्रा भण्डारी र अनिता बस्नेतको गोलमा सेथु एफसीले जीत हात पारेको छ ।

भारतीय महिला लिग फुटबलमा सेथु फुटबल क्लबले बेङ्ग्लुरु युनाइटेडलाई ३–० गोल अन्तरले पराजित गरेको हो ।

दोस्रो खेलमा समेत पहिलो रोजाईको खेलाडीको रुपमा मौका पाएकी सावित्राले खेलको ११ औ मिनेटमा गोल गर्दै टोलीलाई अग्रता दिलाएकी थिइन् ।

खेलको ४१ औ मिनेटमा सन्ध्याले गोल गर्दै टोलीको अग्रता दोब्बर पारेकि थिइन् । दोस्रो हाफमा सावित्राको स्थानमा मैदान छिरेकी अनिताले खेलको ७४ औ मिनेटमा गोल गर्दै टोलीको जित सुनिश्चित गरिन् ।

यसअघि पहिलो मनिपुर पुलिस स्पोट्स क्लबसँगको पहिलो खेलमा सावित्रा वुमन अफ दी म्याच घोषित भएकी थिईन् ।

सेथुले लिगको पहिलो लेगमा मनिपुर स्पोटर््स क्लबलाई ६–४ गोल अन्तरले हराएको थियो । योसँगै सावित्राले लिगमा ५ गोल पुरा गरेकि छन् ।