काठमाडौं– लिभरपुलले बार्सिलोनालाई ४–० गोल अन्तरले पराजित गरेको छ । च्याम्पियन्स लिग अन्तर्गत मंगलबार राति भएको खेलमा लिभरपुलले बार्सिलोनालाई लगातार ४ गोल हानेको हो । यो जितसँगै लिभरपुल च्याम्पियन्स लिगको फाइनलमा पुगेको छ ।

लिभरपुलको घरेलु मैदान एनफिल्डमा भएको खेलमा लिभरपुल दुई मुख्य फरवार्ड रोबर्टो फिर्मिन्हो र मोहमद सलाहाबिनै मैदान उत्रिए पनि सानदार जीत निकाल्न सफल भयो ।

लिभरपुलको जितमा डिभोक ओरिगी र जर्जिनियो वाइनाल्डमले समान २–२ गोल गरे । खेलको ७ औ मिनेटमा ओरिगीको पहिलो गोलले लिभरपुललाई अग्रता दिलायो ।

त्यसपछि ५४ औ मिनेटमा वाइनाल्डमले अर्को गोल गरे । उनले ५६औ मिनेटमा फेरि एक गोल गर्दै लिभरपुललाई जीत नतिक पुर्‍याए ।

त्यस्तै खेलको ७९ औ मिनेटमा ओरिगीले चौथो गोल थप्दै लिभरपुरलाई विजयी गराए ।

लिभरपुलले उपाधिका लागि टोटेनहम र अजाक्सबीचको विजेतासंग भिड्ने छ । यो खेल आगामी जुन १ मा हुनेछ ।