काठमाडौं– लागू औषध बनाउन प्रयोग हुने रसायन इफेड्रिनसहित १ चिनियाँ नागरिक पक्राउ परेका छन् ।

प्रहरीको लागू औषध नियन्त्रण ब्यूरोको टोलीले काठमाडौंबाट जहाजमार्फत (कार्गोका रुपमा) पठाउन न्युजिल्याण्ड पठाउन लागिएको ४ किलो २ सय ग्राम इफेड्रिनसहित चिनियाँ नागरिकलाई पक्राउ गरेको हो ।

पक्राउ पर्नेमा ई ७३९०५८३७ नम्बरको राहदानी वाहक ३१ वर्षी झ्याङ चाउ छन् ।

उनले चीनबाट नेपाल पु¥याएको उक्त रसायनको चीनमा नेपाली मूल्य २ लाख २५ हजार पर्ने जनाइएको छ । न्युजिल्याण्डमा भने उक्त रसायन नेपाली मूल्य ५० लाखसम्ममा बिक्री हुने गरेको लागू औषध नियन्त्रण ब्यूरोले जनाएको छ ।

पक्राउ परेका चिनियाँविरुद्ध लागू औषध नियन्त्रण ऐन, २०३३ बमोजिम मुद्दा दर्ता गरी थप अनुसन्धान भइरहेको ब्यूरोले जानकारी दिएको छ ।