काठमाडौं – अभिनेता दयाहाङ राई र नायिका वर्षा शिवाकोटी ‘डबल सी’ नामक भिटामिन जुसको ब्राण्ड एम्बेसेडरमा नियुक्त भएका छन् । शनिवार राजधानीमा आयोजित एक कार्यक्रमबीच यी दुईलाई एम्बेसेडर घोषणा गरियो ।

कार्यक्रममा बोल्दै अभिनेता दयाहाङ राईले आम मानिसले आफ्नो स्वास्थ्यप्रति सजग हुनुपर्ने बताए । उनले भने, ‘हामीलाई थाहा छ स्वास्थ्यको ख्याल गर्नुपर्छ भन्ने तर दैनिक जीवनमा लागू गर्न सकेका छनौँ ।’

उनले शरीर स्वस्थ राख्न ‘भिटामिन सी’ उपयुक्त हुने बताए । उनले डबल सी स्वास्थ्यका लागि फाइदाजनक लागेकाले आफू ब्राण्ड एम्बेसेडर भएको बताए । ‘मैले यसको मापदण्ड र अन्य सबै फाइदा तथा बेफाइदाको बारेमा बुझेर मात्र ब्राण्ड एम्बासडर बन्ने सहमति दिएको हुँ,’ दयाले भने ।

ब्राण्ड एम्बेसेडर नियुक्त भएकी वर्षाले पनि भिटामिनले स्वास्थ्यलाई फाइदा पुर्‍याउने बताइन् ।

थाइल्याण्डको लोकप्रिय यो जुस नेपाली बजारमा भित्रिएको हो । नेपाली बजारमा यो जुस सोमबारदेखि उपलब्ध हुने जनाइएको छ । जुस सिसीको बोत्तलमा उपलब्ध हुनेछ ।