काठमाडौं– अतिक्रमणको चपेटामा परेको टुँडिखेल जोगाउन ‘अकुपाई टुँडिखेल’अभियान सञ्चालन हुने भएको छ ।

विहीवार टुँडिखेलमा आयोजित पत्रकार सम्मेलनमा अभियान शनिवार विश्व स्वतन्त्रता दिवसको अवसर पारि टुडिखेलमा ८ बजेबाट शरु हुने जानकारी गराइयो ।

दिनप्रतिदिन टुँडिखेल अतिक्रमण हुँदै जाँदासमते राज्यले यसलाई रोक्न नसकेको उनको आरोप थियो । सरकारले टुँडिखेललाई गगनचुम्बी बनाउन लागेको भन्दै प्रधानले नागरिक सडकमा उत्रिएमा टुँडिखेल खुल्ला बनाउन सक्ने बताए ।

त्यस्तै प्रदेश ३ का संसाद विराजभक्त श्रेष्ठले सरकारले सार्वजनिक जग्गाको महत्व बुझ्न नसकेको बताए ।

यसरी नै टुडिखेल अतिक्रमण हुँदै गएमा आउने सन्ततिलाई कस्तो थियो भन्ने समेत थाहा नहुने बताउँदै उनले भने , यसलाइ अतिक्रमणमुक्त बनाएर विभिन्न पार्क बनाउन सकेमा सबैलाइ राम्रो हुनेछ ।

जनप्रतिनिधिकै संलग्नतामा टुँडिखेल लगातार साँघुरिँदै गइरहेको र अझैं साँघुरिने अवस्था रहेकाले ‘काठमाडौंको मुख्य क्षेत्र टुँडिखेल’ खुला गर्न र जनताको स्वामित्वमा ल्याउनका लागि दबाब दिने उद्धेश्यसहित स्वतन्त्र नागरिक अभियान सञ्चालन गर्न लागिएको हो।