काठमाडौं– सरकारले संविधान दिवस र राष्ट्रिय दिवसहरूमा प्रयोग गरिने सरकारी टिसर्टको नमूना सार्वजनिक गरेको छ । गृह मन्त्रालयले चार प्रकारका टिसर्टहरू सार्वजनिक गरेको हो ।

संविधान दिवसमा राष्ट्रिय झण्डाको प्रयोग बढाउने बताएको सरकारले टिसर्टमा पनि राष्ट्रिय झण्डा छाप्न मिल्ने भन्दै विभिन्न साइजका टिसर्टका नमूना सार्वजनिक गरेको हो ।

गृहले सार्वजनिक गरेको टिसर्टमा राष्ट्रिय झण्डालाई मुटुको माथि पर्ने गरी डिजाइन गरिएको छ । नमूना टिसर्ट सबै सेता रङका छन् । तीनवटामा छेउछेउमा निलो घेरा राखिएको छ भने एउटा सम्पूर्ण रूपमा सेतो छ ।

संविधान जारी भएको दिन असोज ३ गतेलाई भव्य रुपमा मनाउने बताउँदै आएको सरकारले त्यसै अनुरुपको तयारी गरिरहेको जनाएको छ ।