पोर्टभिला– दक्षिण प्रशान्त महासागरमा रहेको टापु राष्ट्र भानुआतुमा ५.९ म्याग्निच्युडको भूकम्प गएको छ ।
राजधानी पोर्ट भिलाबाट ४३ किलोमिटर टाढा करिब १५० किलोमिटरको गहिराईलाई केन्द्रविन्दु बनाएर भूकम्प गएको अमेरिकाको भौगर्भिक सर्वेक्षणले जनाएको छ । भूकम्पका कारण राजधानी सम्म सामान्य कम्पन महशुस गरिएको अधिकारीले जनाएका छन् । भूकम्पबाट भएको क्षतिको विवरण आइसकेको छैन ।
धेरै गहिराईमा भूकम्प गएको तथा भूकम्पको तीब्रता पनि कम रहेका कारण सुनामीको चेतावनी पनि जारी गरिएको छैन । प्रशान्त अग्नि चक्र भनिने भौगोलिक क्षेत्रमा पर्ने भएका कारण भानुआतुमा भूकम्प र ज्वालामुखी उत्पन्न हुने गरेको छ ।
प्रतिक्रिया