काठमाडौं- माइतिघर नजिकै शंकास्पद बस्तु फेला परेको छ । सेन्ट जेभियर कजेल नजिकै बमजस्तै देखिने शंकास्पद बस्तु फेला परेको महानगरीय प्रहरी बृत सिंहदरबारका डिएसपी कौशल बुढाथोकीले बताए।

शंकास्पद बस्तुदेखिएपछि नेपाली सेनाको बम डिस्पोजल टोली घटनास्थल पुगेर डिस्पोज गरेको छ । शंकास्पद वस्तु राखिएको वरपर बालुवा राखिएको बताउँदै बुढाथोकीले यो बम भएन नभएको पुष्टि नभएको बताए ।

बम जस्तै गरी बेरेर राखेको सामानलाई डिस्पोज गरिएपनि फरेन्सिक जाँचबाट मात्र के थियो भन्ने पुष्टि हुने उनले बताए । बाटो नजिकै शंकास्पद वस्तु भेटिएपछि माइतिघर मण्डला परिसरमा केहिवेर यातायात सेवा प्रभावित भएको थियो । अहिले सामान्य भएको बुढाथोकीले बताए ।