मड्रिड– उत्तरी स्पेनको पाम्प्लोना शहरमा आयोजना हुने साँढे दौडाइने  महोत्सवमा ५३ जना घाइते भएका छन् ।  महोत्सवको पहिलो दिन ३ जनालाई साँढेले हानेको स्पेनी रेडक्रसले जनाएको छ ।

त्यस्तै, अरु २ जनाको टाउकोमा चोट लागेको स्पेनी सञ्चारमाध्यमले जनाएका छन् । यो वर्षको साँढे दौडने समारोहमा पुएर्तो सान दे लोरेन्जोका साँढेहरुको सहभागिता रहेको जनाइएको छ ।

गत वर्षको साँढे दौडिने समारोहको पहिलो दिन एकजनामात्र घाइते भएका थिए । सन् २००९ मा एक जनाको मृत्यु भएयता साँढे दौडिने समारोहमा कसैले ज्यान गुमाएका छैनन् । पाम्प्लोना शहरमा हरेक वर्ष साँढे दौडिने समारोह चल्ने गर्छ । ८ दिनसम्म चल्ने समारोहमा हरेक वर्ष लाखौं पर्यटकको सहभागिता रहने गर्छ ।