काठमाडौं– नेपाल खेलकुद पत्रकार मञ्चले आयोजना गर्ने एनएसजेएफ पल्सर स्पोर्टस अवार्डलाई विजय डिस्ट्रिलरीको रुस्लानले सह–प्रायोजन सम्झौता गरेको छ ।

शुक्रबार कार्यक्रमका आयोजना गरेर मञ्चका अध्यक्ष देबेन्द्र सुबेदी र जावलाखेल ग्रुप अफ ईन्डस्ट्रिजका कार्यकारी निर्देशक शशिन जोशीले प्रायोजन सम्झौतापत्रमा हस्ताक्षर गरे । सम्झौताको अवधि एक बर्षको रहने मञ्चका अध्यक्ष सुवेदीले बताए । जावलाखेल ग्रुप अफ ईन्डस्ट्रिजका कार्यकारी निर्देशक जोशीले खेलकुद क्षेत्रको विकासमा मञ्चले खेलेको भूमिकाको प्रशंसा गर्दै आफूहरुले सहकार्य गर्न पाउँदा खुशी लागेको बताए ।

नेपाली खेलकुदकै प्रतिष्ठित खेलकुद अवार्डको १६ औं संस्करण आगामीअसार १७ गते आयोजना हुँदैछ । यस पटकको अवार्ड कार्यक्रममा नै विधाका खेलाडी र खेलकर्मी सहित एक जना अन्तराष्ट्रिय खेल पत्रकारलाई सम्मान गर्ने कार्यक्रम रहेको छ ।