काठमाडौं– महानगरीय अपराध अनुसन्धान महाशाखाले डकैती मुद्दाका फरार एक अभियुक्तलाई प्रहरीले गोली चलाएर नियन्त्रणमा लिएको छ ।

डकैती मुद्दाका फरार काका भनिने छिरिङ  तामाङलाई प्रहरीले बौद्धको अत्तरखेलमा गोली हानेर पक्राउ गरेको हो । गोली लागेर घाइते भएको उनलाई उपचारका लागि ट्रमा सेन्टर लगिएको छ ।

घाइते तामाङले काठमाडौं उपत्यकाका सुनचाँदी पसल, मनी एक्सचेन्ज र विभिन्न वित्तीय संस्थाहरूमा खुकुरी देखाउँदै लुटपाट तथा आतंक मच्चाउने गरेको प्रहरीले जनाएको छ । उनी लुटपाट गिरोहका मुख्य नाइके रहेको प्रहरीले जनाएको छ।

जेठ ४ गते दिउँसो १२ बजेर ४५ मिनेटमा काठमाडौं जोरपाटीस्थित बुद्धराम सुनारले सञ्चालन गरेको भिमश्वरी सुनचाँदी पसल लुटिएको थियो। सो क्रममा उनै तामाङले उक्त पसलेलाई खुकरी प्रहार गरेका थिए।

यसअघि सोही समूहका चार जनालाई महानगरीय प्रहरी अपराध महाशाखाले पक्राउ गरेको थियो।