काठमाडौं– स्वास्थ्यमा समस्या देखिएपछि शहीद गंगाला राष्ट्रिय हृदय केन्द्रमा उपचारत प्रदेश नम्बर ३ का मुख्यमन्त्री डोरमणि पौडेलको स्वास्थ्यावस्था बुझ्न गृहमन्त्री रामबहादुर थापा अस्पताल पुगेका छन् ।

मन्त्री थापाले मुख्यमन्त्री पौडेललाई भेटेर स्वास्थ्य अवस्थाका बारेमा जानकारी लिएको गृहमन्त्री थापाको सचिवालयले जनाएको छ ।

स्वास्थ्यमा समस्या देखिएपछि गत आइतबार मुख्यमन्त्री पौडेलले एन्जिओग्राफी गरेका थिए ।  एन्जिओग्राफी गर्दा मुटुको भल्बमा सामान्य समस्या देखिएपछि उनी शहीद गंगाला राष्ट्रिय हृदय केन्द्रमा भर्ना भएका थिए ।

पौडेलको उपचारमा शहीद गंगाला राष्ट्रिय हृदय केन्द्रका मुटुरोग विषेशज्ञ डाक्टर चन्द्रमणि अधिकारीको टोली  संलग्न छ ।