एजेन्सी– फिलिपिन्समा सक्रिय अबु सैयाफ नामक अतिवादी संगठनले संभावित आत्मघाती बम आक्रमणकारीलाई शरण दिइरहेको फिलिपिनी अधिकारीले जनाएका छन् ।
दक्षिणी फिलिपिन्समा सक्रिय इस्लामिक अतिवादी संगठनले अरब मूलका एकजना संभावित आत्मघातीलाई शरण दिइरहेको जनाएका हुन् ।
फिलिपिन्सका आन्तरिक मामिलामन्त्री एदुआर्दो एनोलाई उद्धृत गर्दै एपीले जनाएअनुसार हालै जोलो टापुमा रहेको एक ईसाई गिर्जाघरमा भएको आक्रमणमा अबु सैयाफका नेता हातिब हजान सवादजानको हात रहेको र उनले दक्षिणी फिलिपिन्सको जङ्गलमा रहेको आफ्नो शिविरमा एकजना अरब मूलका संभावित आत्मघातीलाई शरण दिइरहेका छन् ।
गत जनवरी २७ मा जोलो टापुमा रहेको क्याथोलिक ईसाईको गिर्जाघरमा बम आक्रमण हुँदा २३ जनाको ज्यान गएको थियो भने अरु दर्जनौं घाइते भएका थिए ।