काठमाडौं – नेपाल क्योकुसिन कराते डो संघ बज्रको आयोजनामा २० औँ राष्ट्रिय पुरुष खुल्ला तथा १३ औँ राष्ट्रिय महिला तौल समुह फुलकन्टयाक्ट कराते प्रतियोगिता बैशाख अन्तिम साता हुनेभएको छ ।

संघले मंगलवार पत्रकार सम्मेलन गरी प्रतियोगिता बैशाख २७ र २८ गते हुने जानकारी दिएको हो । दुई दिन चल्ने प्रतियोगिता त्रिपुरेश्वरस्थित मिनि कभर्ड हलमा सञ्चालन गर्ने जानकारी आयोजकले दिएको हो ।

सातैवटा प्रदेशबाट प्रतियोगितामा पुरुषतर्फ ८५ र महिलातर्फ ३८ खेलाडीले प्रतिस्पर्धा गर्नेछन् । पुरस्कारमा पुरुषतर्फ प्रथम हुनेलाई ३० हजार, दोस्रो १५, तेस्रो ७ हजार ५ सय र चौथो हुनेलाई ३ हजार ५ सय रुपैयाँ नगदको व्यवस्था गरिएको छ ।

यस्तै महिला स्पर्धाको प्रथम हुनेले १० हजार, दोस्रोले ५ हजार, तेस्रोले २५ सय र चौथोले १ हजार प्राप्त गर्नेछ। प्रतियोगिता आयोजनाका लागि अनुमानीत १३ लाख खर्च हुने आयोजकले जनाएको हो ।