काठमाडौं– सरकारी गोप्य कागजात सार्वजनिक गरी सरकारी गोपनीयता कानून उल्लंघन गरेको अभियोगमा अदालतले जेल सजाय सुनाएका २ पत्रकारलाई म्यान्मारका राष्ट्रपतिले आममाफी दिएका छन् ।

नयाँ वर्षको अवसर पारेर राष्ट्रपति विन मिइन्टले आममाफी दिर्ने निर्णय गरेसँगै समाचार संस्था रोयटर्सका २ जना पत्रकार क्या सो ऊ र वा लोन रिहा भएका छन् ।

उनीहरुले रोहिंग्यामाथि सरकारी सेनाले गरेको दमन र नरसंहारका विषयमा रिपोर्टिङ गरेका थिए ।

उनीहरुले गरेको रिपोर्टिङको जानकारी पाएपछि म्यान्मार प्रहरीले सन् २०१७ को डिसेम्बरमा नियन्त्रणमा लिएर मुद्दा चलाएको थियो ।

जेलमै रहेका बेला दुवै जनालाई गत महिना पुलित्जर पुरस्कार समेत प्रदान गरिएको थियो ।

रिहा भएका दुवैजनालाई आफूहरु निक्कै खुसी भएको प्रतिक्रिया दिएका छन् । रोयटर्सका सम्पादकले आफ्ना पत्रकारहरु प्रेस स्वतन्त्रताका प्रतिक रहेको बताएका छन् ।